«ЭТИ БАКЫР ТЕРЕКСАЙ» компаниясынын өндүрүштө эмгекти коргоо жаатындагы саясатында коопсуздук эрежелерин сактоо артыкчылыктуу багыт болуп саналат.
Ар бир кызматкердин коопсуздугун камсыздоо “Эти Бакыр Терексай” ишканасынын негизги милдети. Ошондуктан эмгекти коргоо жана ендуруштук коопсуздук бөлүмү ишкананын негизги бөлүмдөрүнүн бири болуп саналат.
«Эти Бакыр Терексай» компаниясынын эмгекти коргоо жана өнөр жай коопсуздугу жаатындагы саясаты төмөнкү принциптерге негизделет:
- Бардык кырсыктарды жана инциденттерди алдын алууга болот;
- Эч кандай жумушту коопсуз жасоого болбойт;
- Жумушта коопсуздукту камсыздоо бардык жетекчилердин түздөн-түз милдети;
- Жумушта коопсуздук талаптарын сактоо бардык кызматкерлердин милдети.
- Кандайдыр бир ишти баштоодон мурун, бардык тобокелдиктерди баалоо жана коркунучтарды жоюу жана ишти коопсуз баштоо үчүн зарыл чараларды көр!
«ЭТИ БАКЫР ТЕРЕКСАЙ» компаниясынын эмгекти коргоо жана өнөр жай коопсуздугу анан ошондой эле айлана-чөйрөнү коргоо жаатындагы саясаты «КООПСУЗДУК АР БИР БИРИБИЗДЕН БАШТАЛАТ» принцибине негизделген жана компаниянын «алтын эрежелерине» баш ийет:
- “Эч качан коопсуздук эрежелерин бузба”
- Жеке коргонуу каражаттарын колдонууну унутпаңыз.
- Аспаптарды жана жабдууларды жакшы абалда колдонуңуз.
- Ишти аткарууда тиешелүү күбөлүктүн болушу зарыл.
- Өзүңүздүн жеке гана эмес, кесиптештериңиздин да коопсуздугуна кам көрүңүз.
Ар бир жаңы кызматкер эмгекти коргоо боюнча милдеттүү түрдө үч күндүк окуудан өтөт, анда алар өндүрүштө техникалык коопсуздукту сактоонун эрежелерин үйрөнүшөт. 3 күндүк окуудан өткөндөн кийин ар бир кызматкер коопсуздук эрежелерин билүү боюнча тест тапшырат.
Ден соолукту коргоо
«Эмгекти коргоо жана коопсуздукту башкаруу системалары» ишкананын туруктуулугунун, продукциянын талап кылынган сапатын камсыз кылуунун жана аларды ийгиликтүү ишке ашыруунун маанилүү фактору болуп саналат.
«Эти Бакыр Терексай» кадрлар менен иштөөгө өзгөчө көңүл бурат. Биринчи кезекте ар бир жумушчунун профессионалдык деңгээлин тынымсыз жогорулатуусуна, жабдуулар менен иштөөнүн коопсуз ыкмаларын үйрөнүүсүнө, технологиялык инструкциялардын жана эмгекти коргоо боюнча инструкциялардын талаптарын сактоо боюнча бир топ иштер жургузулуп жатат.
Кызматкердин квалификациясы жана ар кандай ишти аткаруудагы практикалык көндүмдөрү өндүрүштөгү кырсыктын ыктымалдыгын жокко чыгарууга кепилдик бербейт. Жада калса жаңы жабдуулар менен иштөөдө жана коргонуу каражаттары болгондо да мындай учурлар жокко чыгарылбайт, анткени алар көбүнчө адамдын индивидуалдык өзгөчөлүктөрүнөн, анын психологиялык абалынан, кесиптик деңгээлинин төмөндүгүнөн жана жумушту коопсуз аткаруу үчүн көндүмдөрдүн жоктугунан келип чыгат.
Ошондуктан, ар бир жаңы кызматкер, иш тажрыйбасына карабастан, эмгекти коргоо боюнча окуудан жана инструкциядан өтүшү зарыл, анда аларга кесибинин бардык коркунучтары түшүндүрүлөт. Бул, өзгөчө, жумуш иштөөгө уруксаттын негизинде аткарылган жана мындай иштөөгө уруксатты берүүгө ыйгарым укуктуу адамдардын тизмеси бекитилген жогорку тобокелдиктеги өндүрүштөр үчүн тиешелүү. Мындай тармактардын жумушчулары коопсуздуктун атайын инструкциясын жакшылап уйрөнүп, ишкананын комиссиясы тарабынан экзаменден өтүүгө тийиш.
Бул багытта жүргүзүлүп жаткан иштер өндүрүштө болгон окуяларды, кырсыктарды жана аварияларды жоюуга жардам берет. Бардык кызматкерлерге эмгекти коргоо боюнча такай окуулар жана инструкциялар өткөрүлүп турат, ар бир жумуш ордунда эмгекти коргоо инструкцияларынын аткарылышы такай көзөмөлгө алынат.
Жумушчулар милдеттүү түрдө алдын ала медициналык кароодон өткөндөн кийин ишке кабыл алынат. Кийинчерээк алар жыл сайын белгиленген тартипте мындай текшерүүлөрдөн (изилдөөлөрдөн) өтүшөт, бул кызматкерлердин ден-соолугуна системалуу мониторинг жүргүзүүгө, кесиптик оорунун белгилерин өз убагында аныктоого жана зарыл болгон учурда аларды башка ишке которууга мүмкүндүк берет.
Медициналык борбор
«Эти Бакыр Терексай» ишканасынын медициналык борбору кызматкерлерге медициналык жардам көрсөтүү боюнча дарылоо-профилактикалык бөлүм болуп саналат. Дарыгерлердин жана медициналык кызматкерлердин тажрыйбасы бардык талаптарга жооп берет. Медициналык борбордун бардык кызматкерлери чоң тажрыйбага ээ жана жогорку категориялары, квалификациялары жана сертификаттары бар. Анан квалификациясын жогорулатуу максатында дарыгерлер дайыма атайын окуудан өтүп турушат.
2021-жылдын декабрында Компаниянын медициналык борбору Кыргыз Республикасынын Саламаттык сактоо министрлигинен атайын лицензия алып, «Эти Бакыр Терексай» ЖЧКнун кызматкерлерине мыйзамдуу түрдө медициналык кызмат көрсөтүү менен иштей баштады.
Учурда «Эти Бакыр Терексай» медициналык бөлүмүндө 11 адис эмгектенет. Анын ичинен 2си өндүрүштүк дарыгер, 7си медайым, 2си айдоочу. Кызматкерлердин баары Кыргызстандын жарандары. Медициналык борбордун кызматкерлери 15/15 смена менен иштешет.
Медициналык борбор толугу менен стандарттарга жана санитардык нормаларга жооп берет жана эмгекти коргоо жана өнөр жай коопсуздугу бөлүмүнүн курамына кирет.
Медициналык борбордун милдеттери:
– Биринчи жардам жана шашылыш медициналык жарда;
– Дары-дармектерди кабыл алуу жана эсепке алуу;
– Кызматкерлерди консультациялоо жана медициналык кароодон өткөрүү;
– Персоналды алдын ала жана мезгилдүү медициналык кароодон өткөрүүнү уюштуруу;
– Медициналык жазууларды жүргүзүү, медициналык китептерди жүргүзүү ж.б.
Күн сайын 30дан 60ка чейин адам медициналык жардамга кайрылат. Негизинен сасык тумоо менен. Кышкы сууктун келиши менен ооругандардын саны көбөйүүдө. Оор оорулуулар биринчи жардам көрсөтүлгөндөн кийин медайымдын коштоосунда медпункттан тез жардам унаасы менен райондук ооруканага жөнөтүлөт.