Ден соолуктун, коопсуздуктун, эмгекти жана айлана-чөйрөнү коргоонун негизги багыттары. «Эти Бакыр Терексай» ЖЧКсы өнөр жай коопсуздугун камсыз кылуунун, Компаниянын кызматкерлеринин, подрядчылардын жана жергиликтүү коомчулуктун ден соолугун коргоонун маанилүүлүгүн түшүнөт. «Эти Бакыр Терексай» ЖЧК өзүнүн ишмердүүлүгүнүн бардык этаптарында коопсуздук чөйрөсүндөгү лидерликтин принциптерин, эмгекти коргоо программасын жана «Биринчи кезекте коопсуздук» ураанын жана ошондой эле төмөнкү милдеттерди карманат:
- Жергиликтүү мыйзамдардын тиешелүү талаптарын жана жоболорун жана өндүрүш процессин уюштуруунун жалпы кабыл алынган эл аралык принциптерин сактоо;
- Компаниянын кызматкерлери жана подрядчылар үчүн контролдонбогон өндүрүштүк тобокелдик факторлорунун жоктугун камсыз кылуучу эмгек шарттарын түзүү;
- Компаниянын кызматкерлеринин жана подрядчыларынын ден соолугуна жана коопсуздугуна карата мүмкүн болуучу тобокелдиктерди аныктоо, жок кылуу же минималдаштыруу;
- Компаниянын өндүрүштүк ишмердүүлүгүнүн айлана-чөйрөгө потенциалдуу терс таасирин азайтуу;
- Ден соолукту, коопсуздукту жана айлана-чөйрөнү коргоо боюнча иш-чаралардын жалпы эффективдүүлүгүнүн маанилүүлүгүн жана үзгүлтүксүз жогорулатууну түшүнүүгө жетишүү;
Жогорудагы милдеттенмелерди аткаруу үчүн «Эти Бакыр Терексай» ЖЧК төмөнкү милдеттерди аткарат:
- Ден соолукту коргоо, өндүрүштө эмгекти коргоо жана айлана-чөйрөнү коргоо боюнча расмий бекитилген иш-чаралардын тутумун практикалык ишке ашыруу жана колдоо;
- Ден соолук, эмгек коопсуздугу жана айлана-чөйрө үчүн негизги тобокелдик факторлорун аныктоо;
- «Эти Бакыр Терексай» ЖЧКнун ден соолукту коргоону, өндүрүштө эмгекти коргоону жана айлана-чөйрөнү коргоону камсыздоо боюнча программаларын жана башкаруу системасын үзгүлтүксүз өркүндөтүүнү камсыз кылган максаттарды жана милдеттерди аныктоо;
- Өзгөчө кырдаалдардын жана инциденттердин потенциалдуу коркунучун аныктоо, ишкананын кызматкерлеринин, подряддык уюмдардын ишкерлерин жана жергиликтүү калктын ден соолугун жана коопсуздугун камсыз кылуу үчүн «Эти Бакыр Терексай» ЖЧКсынын тынчтык жана согуш мезгилиндеги Жарандык коргонуунун функционалдык жобосун иштеп чыгуу;
- «Эти Бакыр Терексай» ЖЧКсынын кызматкерлеринин, подряддык уюмдардын жана жергиликтүү калктын ден соолугун жана коопсуздугун коргоо боюнча «Эти Бакыр Терексай» ЖЧК тарабынан көрүлүп жаткан чараларды калктын түшүнүүсү үчүн, өндүрүш объектилеринин аймагында жайгашкан калктуу конуштардын тургундары менен конструктивдүү диалогду түзүү;
- Булгануунун деңгээлин алдын алуу, азайтуу же минималдаштыруу үчүн калдыктарды жоопкерчиликтүү башкаруу жана жок кылуу;
- Учурдагы кырдаалды баалоо жана коопсуздук талаптарынын сакталышын камсыз кылуу үчүн тиешелүү чараларды көрүү үчүн үзгүлтүксүз текшерүүлөрдү жүргүзүү;
- «Эти Бакыр Терексай» ЖЧКсынын программаларын ишке ашырууда ден соолукту коргоо, өндүрүштө эмгекти коргоо, айлана-чөйрөнү коргоо жана кызматкерлердин активдүүлүгүн жогорулатуу боюнча талаптарды сактоо менен Компаниянын кызматкерлери, подрядчылар жана жеткирүүчүлөрдүн ортосунда тыгыз өз ара аракеттенүүнү калыптандыруу;
- Ден соолук, коопсуздук, эмгекти коргоо жана айлана-чөйрөнү коргоо программасынын алкагында өз функцияларын аткарууну камсыз кылуу үчүн бардык деңгээлдердеги кызматкерлерди тийиштүү окутууну камсыз кылуу;
- Ден соолукту коргоо, жумуш ордунда эмгекти коргоо жана айлана-чөйрөнү коргоо боюнча программаларды жана иш-чараларды иштеп чыгууга жана практикалык ишке ашырууга кызматкерлердин катышуусун камсыз кылуу;
- Бул стратегияны ишке ашыруу үчүн керектүү ресурстар менен камсыз кылуу, ошондой эле карап чыгуу үчүн эркин жеткиликтүүлүктү камсыз кылуу.