Жалал-Абад облусундагы Кербен аэропортун реконструкциялоону жана кеңейтүүнү кыргыз-түрк “Эти Бакир Терексай” ишканасы каржылайт, ал модернизациядан кийин эл аралык статуска ээ болот. Ошондой эле ишкана Ала-Бука – Кировка жолунун 35 чакырымын капиталдык оңдоого каражат бөлөт.
Биринчи вице-премьер-министр (премьер-министрдин милдетин аткаруучу) Артем Новиков декабрь айынын аягында Терексай кенине болгон иш сапары учурунда компаниянын жетекчилиги менен эки инфраструктуралык долбоорду каржылоо боюнча макулдашууга жетишилгенин өкмөттүн басма сөз кызматы билдирди.
Эске сала кетсек, 15-декабрда «Эти Бакир Терексай» ишканасы Терексай кенинде жаңы алтын чыгаруучу фабриканын жана калдык сактоочу жайдын курулушун кайра баштаган. Бул иштер октябрь айынын башында жергиликтүү топтун өтүнүчү менен токтотулган. Компания буга жергиликтүү тургундардан турган эки топтун – ишкананын ишин колдогондор менен каршы чыккандардын кагылышуусуна жол бербөө үчүн макул болгон.
ЖМКдагы булак: https://economist.kg/biznes/2021/01/12/aeroport-kerben-otremontirujut-i-sdelajut-mezhdunarodnym-pri-pomoshhi-eki-bakyr-tereksaj/