Терексай кени Кыргызстандагы эң байыркы тоо-кен ишканаларынын бири болуп саналат, ал Жалал-Абад облусунун Чаткал районундагы Терек-Сай айылында жайгашкан. Тереккан кени 1934-жылы ачылган.
Терексай кенинин байытуу фабрикасы жараксыз абалга келгенине байланыштуу өнөр жай объектилеринин узун тизмесине кошулууга бир кадам калган. Бирок 2016-жылы Кыргыз өкмөтү менен “Кыргызалтын” биргеликте кенге ААК «Cengiz Holding» аттуу түркиялык ири инвесторду тартууга жетишкен.
Бүгүнкү күндө Тереккан, Перевальное жана Терек кендерин камтыган Терексай кендер тобун иштетүү боюнча долбоорду Кыргызстан менен Түркиядагы эң ийгиликтүү бизнес долбоорлордун бири деп атоого болот.
«Эти Бакыр Терексай» ЖЧКсынын алтын ылгоочу фабрикасынын (АЫФ) курулушу 2020-жылы пандемия учурунда башталган. Активдүү иш 2021-жылы уланып, 2022-жылдын февраль айында толугу менен бүткөрүлгөн.
Жаңы ишкананын долбоордук өндүрүштүк кубаттуулугу: жылына 1 миллион тонна руда, орточо суткалык өндүрүмдүүлүк 4,5 миң тонна/суткасына, иштөө режими – күнү-түнү.
АЫФ заманбап жабдуулар менен жабдылган: Metso Outotec тегирмендери, Wier Minerals насостору, Atlas Copco компрессорлору.
Алтын ылгоочу фабриканы, калдыктарды сактоочу жайды жана инфраструктуралык объектилерди курууга инвестициянын жалпы көлөмү 300 миллион АКШ долларын түздү.
Тереккан, Перевальное жана Терек кендерин иштетүүгө лицензия «Эти Бакыр Терексай» ЖЧКсына 2036-жылдын 20-январына чейин берилген. Жалпысынан, долбоор 15–20 жылдык туруктуу иштөөгө, келечектеги перспективага ылайыкталган.