«Эти Бакыр Терексай» ишканасы Терексайдагы А.Чымканаев атындагы мектеп окуучуларын күн сайын айран менен камсыз кылууда
«Эти Бакыр Терексай» ЖЧК өзүнүн корпоративдик социалдык жоопкерчилигинин алкагында мектеп окуучуларынын туура тамактануусун колдоо демилгесин ишке ашырууда. Май айынын башынан бери биздин ишкана Терексай айылында жайгашкан А.Чымканаев мектебине күнүнө 50 литр айран берип келет.
Бул демилгенин аркасында 5-11-класстын 190 окуучусу мугалимдер тарабынан бир жолу колдонулуучу идишке куюлган табигый сүт азыктарын алышат. Айрыкча жайында, айран иммундук системаны бекемдөөгө жана суу балансын сактоого жардам берет, бул аны мектеп окуучулары үчүн өзгөчө актуалдуу кылат. Белгилей кетсек, бул ден соолукка пайдалуу суусундуктан билим берүү мекемесинин мугалимдери жана тейлөө кызматкерлери да алышат.
Идеяны жергиликтүү депутаттар сунуштап, ишкананын жетекчилиги тарабынан колдоого алынган. Окуучулар жана мугалимдер устубуздегу окуу жылынын аягына чейин айран менен камсыз болушат.
«Эти Бакыр Терексай» ЖЧКсы балдардын ден соолугуна кам көрүү жана жергиликтүү коомчулукка колдоо көрсөтүүнү өзүнүн маанилүү милдети деп эсептейт. Мектептин педагогикалык жамаатына кызматташуу үчүн ыраазычылык билдиребиз жана дени сак жана күчтүү муундун калыптанышына салым кошконубузга кубанычтабыз.
