ОшМУнун студенттери “Эти Бакыр Терексай” тоо-кен ишканасы менен таанышты.
ОшМУнун колдонмо геодезия бөлүмүнүн студенттери өлкөдөгү эң ири тоо-кен ишканаларынын бири – “Эти Бакыр Терексай” кыргыз-түрк ишканасыны менен таанышты.
Иш сапардын жүрүшүндө келечектеги адистер руданы казып алуунун жана кайра иштетүүнүн бардык этаптарында колдонулган өндүрүш процесси, заманбап жабдуулар жана геодезиялык технологиялар менен таанышты. Компаниянын өкүлдөрү студенттерге карьер менен тааныштыруу экскурсиясын өткөрүштү, ошондой эле чакан мастер-класс уюштурушту, анын жүрүшүндө алар практикалык тажрыйбалары менен бөлүшүп, геодезия чөйрөдөгү адистерге коюлган талаптар жөнүндө сүйлөшүштү.
Өзгөчө көңүл экологиялык маселелерге, эмгекти коргоого жана өндүрүш процесстерине заманбап технологияларды киргизүүгө бурулду. Иш сапардын аягында студенттер өздөрүн кызыктырган суроолорун берип, компаниянын инженер-техникалык адистеринен кесипкөй жоопторду ала алышты.
Мындай иш-чаралар студенттерге келечектеги кесибинин өзгөчөлүгүн жакшыраак түшүнүүгө жана геодезистердин реалдуу шарттарда кандай иштегенин иш жүзүндө көрүүгө жардам берет.
