Чаткал районунун мамлекеттик администрациясынын башчысы – аким Сенирбаев А.Ж. «Эти Бакыр Терексай» ЖЧКсынын жетекчилигин Чаткал районунун социалдык өнүгүүсүнө тынымсыз кошкон салымы жана аймактагы орчундуу маселелерди чечүүгө көмөк көрсөткөндүгү үчүн «Ээнчилүү кол сааттары» менен сыйлады.
Район башчысы баалуу белектерди тоо-кен ишканасынын кеңсесинде тапшырып, анда дагы бир жолу кыргыз-түрк өндүрүшүнүн райондун экономикасындагы алгылыктуу ордун, ишкана милдеттүү төлөмдөрдөн жана социалдык төлөмдөрдөн тышкары, калкка жана жергиликтүү бийлик органдарына демөөрчүлүк жардам көрсөтүп, социалдык объектилерди куруп жатканын дагы бир жолу белгиледи. Тактап айтканда, аким быйылкы жылы «Эти Бакыр Терексай» алтын кен ишканасынын каржылык колдоосу менен Терексай айылындагы жаңы заманбап мектеп 1-сентябрга чейин окуучуларга эшигин ачарын билдирди.
