Терек-Сай айыл аймагында «Эти Бакыр Терексай» компаниясынын каржылык колдоосу менен 225 окуучуга ылайыкташкан баардык шарттары каралган заманбап №18 мектептин курулуш иштери башталды.
Мектептин курулуп жаткан имараты эки кабаттуу 4 блоктон болот, өзүнүн актовый залы, ашканасы, спорт аянтчасы дагы болот.
Курулушту тендер аркылуу уткан “Авангард Констракшн” жоопкерчилиги чектелген коому аткарат. Подрядчылар объектти 2025-жылдын 25-августуна чейин бүтүрүүгө убада берип, 1-сентябрда жаңы мектеп алгачкы окуучуларын кабыл алат.
Инвестициялык келишим боюнча Терексай айылынын Горняк-2 участкасында А.Чимканаев атындагы орто мектептин курулушуна «ОсОО Эти Бакыр Терексай» ЖЧКсынын салымынын суммасы 181 млн сомдон ашык каражатты тузду.
Жаңы мектептин капсуласын салгандан кийин «Эти Бакыр Терексай» ЖЧКсынын башкы директору Алп Тогай: «Биз чоңдор артыбызга жакшы нерселерди гана калтырышыбыз керек. Биздин милдет – балдар үчүн татыктуу келечек түзүү. Жаңы мектепте мыкты шарттар түзүлүп, бул объект өз убагында бүткөрүлөт деп ишенем – деп айтып кетти».